Shillong, Rymphang 23: Ka seng Saindur Tikur Tip Khas Iengtylli Ehryngiew Khun Hynniewtrep (STIEH) kala ong ba ka jingkam jong u Bah A.L Hek, Myntri ka koit ka khiah ka jylla ba tang 30 hajar ngut na ki 33 lak ngut ki nongshong shnong ki kyrshan īa ka jingpy
ntrei kam īa ka Inner Line Permit ha ka jylla Meghalaya, ka long kaei kaei ka ba sngew thamula bad ka bym lah ban pdiang.
Ha kajuh ka por U Bah A.L Hek u kubur ba u kyrshan īa ka jingdawa bad u lah da mynjur lang ruh ha ka Dorbar kyrpang jong ki 60 ngut ki MLA ha ka 19 tarik Nohprah, 2020.
Ha kajuh ka por ruh u kren khlieh khlieh tdong tdong ka ba pynpaw pynryngkew ba kane ka dei tang ka daw tapeit miaw īa ka jingbuhteng jong ka sorkar pdeng NDA ba lah lamkhmat da ka BJP.
Ka jingkyrshan ILP u Bah A.L Hek ka dei ruh ka jingkyrshan ka bym banse ym ba u ieid shisha la ka jaidbynriew na ba um lah ban pynshisha īa kita ki bym kyrshan ILP. Ban shu pynkynmaw, ka jingdawa īa ka ILP ka dei ka sur jong baroh ki trai Ri trai Muluk ki ba da ki lak ym tang katto katne bad ka ba lah neh slem naduh 1978 ter ter.
U Bah A.L Hek lehse um tip tikna īa ka jingmut bad ka jingtreikam jong ka ILP, ka ILP kam lah ban knieh īa ka hok jong uno uno u nongshong shnong katkum ka riti synshar India hynrei ka dei ka stieh ban īada īa kum ka jaidbynriew rit paid ban shah taplup na ka jingrung kyrthep beaiñ ha ki briew kiba na bar.
Na ka por sha ka por namar la ailad ban rung laitlan khlem phalor. Kane ka paw shai ruh ba ka dei tang ka jingsngew sheptieng ka ba shimet ka jong U ba īoh ka ktah hadien habud īa ka jylli Konstituency jong u ba bun ki wei pat ki jaidbynriew ne kata ka Vote Bank Politics.
Lada U Bah A.L Hek u kren rangbah u lah dei ban lum da ka khana samari ha man la ki jaka da ka ba sdang shwa na jylli lade, hangta un sa tip shai la ka jingkren laplah jong u ka dei ne ka bakla shibun, kae ka long katkum ka kyrwoh kaba la phah da ka President jong ka seng STIEH.
