Shillong, Jymmang 21: Katba ka election sha ka iing dorbar thaw ain ka jylla kala dang jan, ki paidbah ruh kila sdang ban ia peit sha kano ka party ba kin ia don. UÂ National President jong ka seng NPP u Conrad K Sangma yn pdiang ia ki dkhot thymmai sha ka party ha ka sngi baa r.
Kane ka jingpdiang ia ki riew rangbah sha ka seng NPP kan long ha ka por 12 baje shiteng sngi ha ophis jong ka seng kaba don ha Lachumier ha ka 23 tarik mynta u bnai, ha kaba bun na ki riew paw khmat kiba la juh don ha ka sian pyrthei kin rung sha ka seng NPP.
Ki lad khubor kiba ia jan bad ka seng NPP la ong ba kine ki riew rangbah kin dei na Ri Bhoi District bad kidei ruh kiba la juh long teng ki MLA sha ka iing dorbar thawain ka jylla, hynrei ia ka kyrteng jong ki na ka liang jong ka seng kim pat kwah ban pynpaw mynta, la ong iai ap ha ka 23 tarik la tip tip.
