Shillong, Jylliew 24
: U Bah Banshai Khongwir General Secretary jong ka seng BJP Meghalaya state Unit la iathuh ba ha ka 22 tarik mynta u bnai na ka liang jong ka seng kala ai ia ka jingujor sha ka ki pulit jong ka Tura namar ka la don ka jingthoh hapoh jong ka Facebook kaba long pyrshah ia ka seng BJP.
U Bah Khongwir u la ong ba kane ka jingleh ka long ban pynthoh bria ia ka party bad ban wanrah ia ka jingiashun jaid byrniew. Na ka liang jong ka seng ha ka sngi ba ar kan leit ban ia kynduh ia u Direictor Genenral ki Pulit ban kyntu ia u ba u dei ban shim khia ia kane ka kam.
Na ka liang jong u Bah Khongwir u la ong ruh ba ki don ka jingshahniah kaba skhem ha ki pulit ban kin tohkit kane ka kam namar ba la dep ban phah sha ka Cyber Crime Department ia kane ka FIR ka jong ki, lada ka state police kam leh ei ei na ka liang jong ka seng kan thoh sha ka sorkar pdeng.
Ia ka jingthoh hapoh jong ka FB la thoh ha ka kyrteng jong u Sofior Rahman u ba dei u MDC shimet hapoh jong ka GHADC u ba la pyniasoh ia lade bad ka seng BJP u ba bat ruh mynta kum u State President Minority jong ka seng BJP. U la iathuh ba ia ka FIR u la ai ha ka 22 tarik mynta u bnai.
