Shillong, Rymphang 14: Ki paidbah nongshong bad kiba leit ba wan sha New Shillong kila ujor sha ka seng HANM ba kala jur palat ka jingpum pum bad na ka liang jong ki trai shnong kila pynpaw ia ka jingsngewsih ba ka jinglip light kala khah khah man ka la kasngi.
Kane ka jingpum pum bad ka jinglip light ki long ha baroh ka thain New Shillong, kata ka long naduh NEIGRIHMS, Diengiong,Mawkasiang, Tynring, mawpdang, Siejiong bad kiwei ki shnong kila pynpaw ia ka jingsngew diaw halor kane ka jingpum pum bad lip light man ka sngi.
Kane ka jingpum pum ka dei na ka daw ba ia kane ka surok ha katei ka thain dang shna mynta da ka Dhar Company bad kane ka jingpum pum kala ktah ei ia ki long iing kiba don ha rud surok, halor kane ka seng HANM jong ka shnat New Shillong la kyntu ia ka kompeni ban peit ba pynduna ia kane ka jingpum bun haba pyntrei ia kane ka suro, la ong u bah Banlamlynti Kharbani Secretary ka seng jong ka shnat New Shillong.
Haba ia dei pat bad ka jinglip light kaba man ka por kane kala ktah shibun ia ki samla pule kiba dang pynkhreh ia ki elsamin bapher bapher khamtam ia ki klass X bad Klass 12. Na ka liang ka seng ka dawa na ka sorkar ban peit ba kam dei ban don kane ka jinglip light ha kane ka por eksam.
Haba ia dei bad ka bai light ka seng ka pynpaw ia ka jingsngew kyndit ban iohi ba kala kiew kynsan kaba light khamtam ha ki bynta jong ka Mawkasiang, ka seng HANM kala ong ba ka bai light kaba ym juh palat ia ka T.790 tyngka mynta kala palat ia ka T.3000 tyngka, la ong u bah Banlamlynti Kharbani Secretary ha ka kyrwoh kaba la phah mynta ka sngi.
