Shillong, Lber 24: Ka Episcopal Ordination Committe ka pyntip ba ha ka 30 tarik lber yn pynkyntang ia u Rev Fr. Bernard Laloo kum u Auxiliary Bishop ka ban sa long ha Madan Kalbari, Cathedral Parish, Laitumkhrah.
Ka Mass Bakhuid kan sdang ha ka por 10.00 baje mynstep. Ha ka por 1.30 nohphai sngi pat, kan sa don ka jingmane Sakramen bad hadien kata yn don ka prokram leh burom kaba lyngkot ia u Bishop thymmai.
Ha ka jingiakren bad ki jongthoh khubor ha shillong press clubs u bah BEDARIUS SHYLLA u ba dei u Member ka Episcopal Ordination Committe u la pyntip ba u Ph Bernand Laloo u dei u khun ba khatduh na ki 11 ngut ki khun jong i Kong Aquila Imai Laloo bad i Bah Pius Prel Shabong (Bam kwai ha duwar u Blei)
La kha ia u fr Bernard Laloo ha ka 16,6,1976 ha ka shnong Laitlyngkot, East Khasi Hills, Meghalaya. U la pyndep ia ka kyrdan pule BA (Hons) ha ka Palitical Science ha u snem 1999, Bachelor of Education ha u snem 2007, MA in Sociology ha u snem 2009 bad Post graduate diploma in Counselling ha u snem 2016.
Nalor kine ki jingpule u la long ruh u Nongthaw jingrwai niam uba tbit, u nongthoh kot bad la pynmih ruh katto katne tylli ki phlim khasi kum “Synshar Ka Jot” bad “Hato Shano Kan Ialam”
U bah Bedarius Shylla u la ong, ia u Fr Bernard Laloo La pynkyntang Lyngdoh Sohblei ia u ha ka 30 tarik u ïaiong 2006 ha Parish Laitlyngkot. Hadien ka jingpynkyntang lyngdoh u la trei kum u lyngdoh synrop ha St. Paul’s Parish, Upper Shillong, ha u snem 2006 bad 2007, u Administrator ha Christ King College, 2008, u Prefect of studies ha St. Puals’s Apostolic School, Upper Shillong naduh u snem 2009-2015.
u Principal ka Divine Saviour Higher Secondary School, Laitumkhrah ha u snem 2016, u director ka Social Service Center Shillong naduh 2017 haduh 2021, U board member jong ka Caritas India naduh u snem 2021 haduh 2024, u Parish Priest jong ka Cathedral Parish, Laitumkhrah naduh u snem 2022 haduh mynta, bad u Chancellor ka jylla niambah Shillong.
Shuh shuh ia u ia u Bernard Laloo, u Kpa Bakhuid, U Pope Francis u la thung ia u ban long u Auxiliary Bishop jong ka jylla Niam Bah Shillong ha ka 8 tarik u Rymphang 2025.
Ha katei ka sngi pynkyntang Bishop ia u Phadar Bernard Laloo yn sa don ryngkat u Apostolic Nuncio ne u nongmihkhmat jong u Pope Francis, sha ri India bad Nepal u Most Reverend Leopoldo Girelli. Nalor jongu kin sa don lang baroh ki Bishop jong ka North East India na ki 15 tylli ki jylla niam, ryngkat bad bun ki Lyngdoh ki riewniam bad ki parabangeit.
Ka jingkyrpad ia ki parabangeit ki ban wan sha kane ka jingpynkyntang Bishop ia u Reverend Phadar Bernad Laloo, ba kin wanrah la ki ki jong ki jasong ban lait ka shah thngan, namar ka dei ka sngi u Trai bad bun ki dukan bam kin khang ha katei ka sngi.
La kyrpad ruh ia baroh ki paidriewngeit kiba wan sha kane ka prokram ban nym bret pathar ia ki kot, ki sla bad ki bilor um hadien ba la dep pyndonkam ia ki, hynrei ban bret ia ki tang ha ki jaka ba la pynkhreh kyrpang kum ki ruh khnang ba ki jaka kin long kiba khuid bad ka mariang kan kmen.
Baroh ki kali kiba wan na thain Jowai bad kiwei ki jaka kiba wan na kajuh ka surok kin pynieng kali ha Madan Nongthymmai, St. Edmund’s School bad College campus, Holy Cross Broke Dene Campus;l, Shi liang na ka surok ban leit sha Fruit Garden, Don Bosco Technical School, Laitumkhrah,
Don Bosco Mini Stadium, Laitumkhrah, STC Campus, Anton Hall, Laitukhrah, St. Mary’s Campus, St. Margaret’s Campus, Nirmali Convent, Holy Cross Convent, Christ King College, Laitumkhrah, bad shiliang jong ka surok ban leit sha ka jaka ieng kali ha Upper Colony, bad sha DSEL.
Ki kali kiba wan na thaiñ West Khasi Hills bad Ri Bhoi kin pynieng kali Shiliang na ka surok All India Radio, shiliang ka surok Lower Lachumiere, shilliang ka surok Hydari park lynter shaduh Seven Set Schoo, Shilliang ka surok bah NH ha Barik point, shi liang surok na MBOSE ophis shaduh MPSC office, Ka jaka ieng kali ha Loreto School, nadien ka Christ King College, Hopkinson’s Road; bad ha Madan Malki.
