Shillong, Lber 24: Ka India ka la long kaba la pynkhreh ban iakhun pyrshah ia ka Bangladesh ha ka wat ba nyngkong jong ka lympung AFC Asian Cup 2027 qualifier ka ban sa long ha ka 25 tarik lber 2025 ha JN Stadium, Shillong.
Kane ka jingiakhun ka long kaba kongsan ia baroh artylli ki kynhun namarba ki donkam ban iakhnih ia ka nam jop ha kane ka jingialehkai ba nyngkong jong ka group C namar dei tang ka kynhun ka ba ioh long hakhlieh tam kiba lah ban iohrung.
Ha ka jingiakren bad ki nongthoh khubor ha Vivanta Shillong, u Coach ka India u Manolo Márquez u la pynpaw ba ka kynhun jong ka India ka la long kaba la pynkhreh bha namar kane ka jingiakhun ka long kaba kongsan ban jop ia ka Bangladesh.
u captains ka India u Sandesh Jhingan u la pynpaw ba ka India ka hap ban iakhun pyrshah ia ka ri Bangladesh ka ba dei ka ri ba marsyndah bad kane ka jingiakhun kan long ka ba kham itynnad bad ba kham shongshit namar ka india ka donkam ban khur ia ka 3 poiñ.
Kumjuh ruh la ioh ban iakren bad u coach ka Bangladesh u Javier Cabrera u la pynpaw ba ka kynhun ka la pynkhreh bha bad ban sei da kakynhun kaba khlaiñ ha kane ka sien iakhun kaba nyngkong jongka.
U la ong ruh ba ka kynhun ka don ka jingkyrmen ka ba skhem ban jop ia ka India bad kan iakhun tyngeh ban pynliem ia ka india, kumba ka la lah ban pynliem teng ia ka kynhun ka India ha u snem 2003.
U Jamal Bhuyan u captains ka Bangladesh u la pynpaw ba u la ioh ban ialehkai tang ia ka kynhun ka India bad kane ka la pynsah jingkynmaw kaba sngewtynnad ia u bad u la kyrmen ba ha kane ka kynti ruh ka Bangladesh kan lah ban ialehkai bha ha kane ka jingiakhun jong ka AFC Cup bad u la ong ruh ba ha don hapoh madan ha ka por ba ialehkai donkam ban pynleit jingmut ha ka jingialehkai namar kane kan iarap shibun ban ialehkai bha ha madan.
