Shillong, Lber 25: Mynta ka sngi ka ding kala klang kynsan ha iing sah jong u myntri rangbah ba nungkong ka jylla u Captain Williamson A Sangma, kaba sah u khun jong u u Panseng Ch Momin ba dei ruh u MDC barim ka Tura kaba don ha Hawakhana.
Kane ka jingklang kynsan ka ding kala jia ha ka por kumba shiteng sngi ei ei, kane ka iing kaba pluh ka dei ka iing jong u myntri rangbah ba nyngkong ka jylla ha kaba la pyndon kam ia ka ban pynlong ia ki jingialang ha ka jingiakhih hills State.
Ki pulit pynlit ding kila poi sha kane ka jaka ha ka por kaba biang ban tem ia ka jingklang ka ding, hynrei ka jingpur sted bad pynjot ia katei ka iing bad kala buh ka jingma ruh ia ki iing kiba don marjan, haduh ba thoh ia kane ka khubor pat tip ia ka daw jong ka jingpluh.
Ka jingpluh kane ka iing kala wanrah ia ka jingsngewsih bad ka jingduh kaba khraw namar kane ka dei ka iing kaba don la ka khana kaba u sah u myntri rangbah ba nyngkong ka jylla u Captain Williamson A Sangma bad dei ha katei ka iing la juh pynlong ia ki jingialang ban ialeh ia ka Hills State.
Ki bor sorkar kin dang pynlong ia ka jingtohkit ban lap ia ka daw jong ka jingpluh bad ha ka juh ka por ban ioh ia ka jingkhein ia ka jingduh ha kane ka jingpluh kane ka iing kaba don ia ka khana kaba kyrpang ha kane ka jylla Meghalaya haduh mynta ym pat tip ia ka jingduh namar ka jingtohkit ka dang iaid.
