Shillong, Lber 25: Ka iing bishar ba kyrpang ba ia dei ha ki kyndon jong ka ain POCSO jong ka Swapna G Momin jong ka East Khasi Hills District ha ka rai kaba la ai ha ka 11.03.2025 kala rai pynrem ia u Kluston Ryntathiang haba ia dei bad ka ejahar hapoh Laban police Station.
Kane ka ra register hapoh jong ka Laban Police Station Case No. 128 (12) 2015 U/S 6 POCSO Act R/w Sec 506 IPC bad ha kane ka jingbishar la shem ba u la leh ia katei ka kam bad ka rai kaba la ai da ka iing bishar ka long ban set phatok 14 snem lynter.
Ki kyndon kiba hap pynshitom ki long U/s 6 POCSO Act; bad katkum kane la rai pynrem ban set along 14 snem bad ka kumnoa kaba T.10,000/- tyngka bad lada yn siew hapoh ar bnai yn set along tam sa ar bnai.
Lada ka jingpynkhein kan long ha ka kyndon U/s 506 IPC, ka jingset along kan long lai snem bad ka kuna T.5000/- tyngka bad lada ym siew yn set along tam sa shibnai.Ia kane ka jingjia la tohkit da u Inspector Phrianglin Syiem ba dei na ka DEF bad mynta u don kum u Inspector ka Police Reserved Shillong.
