Shillong, Lber 25: Mynta ka sngi ka seng ACHIK jaka phah da ka jingtoh sha u myntri rangbah ka jylla Assam u Himanta Biswa Sarma ban ujor pyrshah ia u MLA jong ka Congress u Nurul Huda bala shah kynnoh ba u la ktah kti ia u Deputy Speaker ka jylla Assam u Dr. Numal Momin.
Ka seng ka ong ba u Dr.Numal Momin dei MLA bad u bat ia ka kam Deputy Speaker ha ka iing dorkar jong ka jylla Assam, kum ka seng ka pynrem jur ia kane ka jingleh jong u tei u MLA jong ka seng Congress, kane kam dei tang ka jingktah kti hynrei ka ktah ia ka synshar paidbah.
Ha ka kyrwoh kaba la phah mynta ka sngi ka seng ACHIK ka don ryngkat bad u Dr. Numal Momin bad ka seng ka dawa na u myntri rangbah ka jylla Assam ba dei ban pynlong ia ka jingtohkit halor kane ka jingjia bad ain ka ain kan leh ia kaba don kam ba nym jia shuh kum kine ki jingjia.
Ha ka juh ka por ka seng ACHIK ka dawa na ka sorkar Assam ba kan ai ka jingiada kaba biang ia baroh ki nongmih khmat jong ka jylla Assam ba kum kine ki jingjia kin nym jia shuh ha kiwei ruh ia ka shithi la soi da u MM Sangma President bad u HR Marak General Secretary ka seng.
